Agjencia e Regjistrimit Civil ka njoftuar se është funksionalizuar shërbimi për Deklarim të Adresës Zyrtare të Vendbanimit nga Agjencia e Regjistrimit Civil, në bashkëpunim të ngushtë me Agjencinë Kadastrale të Kosovës dhe Agjencinë për Shoqëri të Informacionit.
Sipas njoftimit, përmes digjitalizimit të këtij procesi, Deklarimi i Adresës Zyrtare të Vendbanimit bëhet më i lehtë dhe i thjeshtë përr qytetarin, duke shfrytëzuar platformën shtetërore e-Kosova, pa pasur nevojë të paraqitet medoemos në Zyrën e Gjendjes Civile, shkruan Arbresh.info.
Kjo agjenci bën të ditur se tani e tutje, ekzistojnë dy mënyra të deklarimit të adresës:
1. Mënyra e parë dhe më e lehta është përmes platformës e-Kosova, duke shfrytëzuar shërbimin për “Deklarimin e Adresës Zyrtare të Vendbanimit” në linkun: https://ekosova.rks-gov.net/SubService/580
2. Mënyra e dytë është paraqitja e qytetarit fizikisht në Zyrën e Gjendjes Civile, duke u asistuar nga zyrtarët e kësaj zyre.
Procesi i Deklarimit të Adresës Zyrtare të Vendbanimit ndihmon në lehtësimin e shërbimeve ndaj qytetarit, duke përfshirë:
• Adresën unike dhe zyrtare të vendbanimit;
• Përzgjedhjen e mjekut familjar-bazuar në adresën e deklaruar;
• Shpërndarjen më të lehtë dhe më të shpejtë të shërbimeve postare;
• Saktësinë e adresës për shërbimet mjekësore emergjente;
• Saktësinë dhe unifikimin e adresës në të gjitha faturat komunale.
“Duke kërkuar nga të gjithë qytetarët që të angazhohen dhe bashkëpunojnë këtë proces, sigurojmë se vëmendje e veçantë dhe shumë e madhe i është kushtuar sigurisë së të dhënave personale, ruajtjes dhe cilësisë së tyre.”, thuhet mes të tjerash në njoftim./Arbresh.info/
Kurti mirëpriti sportistë pjesëmarrës të garave ndërkombëtar...
Për çfarë po vuan dënimin tash e 20 vjet Bedri Krasniqi dhe ...
Vitia dhe Krasniqi nesër vizitojnë Mamografin Mobil në Komun...
E akuzuan që është pronar i terminalit doganor, Sami Lushtak...
OKB: Bota larg cakut për luftim të ndryshimeve klimatike
Vesel Demaku, një tjetër talent që i thotë ‘Po’ Kosovës